Дональд Трамптын уулу күтүүсүз жерден Украинаны айыптады

АКШ президенти Дональд Трамптын уулу Бэррон Трамп Украинаны атасына кол салуу тууралуу маалыматты жаап-жашырды деп айыптады. Бул тууралуу Трамптын уулу социалдык тармактагы баракчасына жазды.

Анда Трамптын уулу Киев анын атасына кол салган Райан Уэсли Роут алардан курал сатып алууга аракет кылганы тууралуу АКШга маалымат бербегенин белгиледи.

"Украина АКШга бардык жардамы үчүн ыраазычылык билдирбегени жаман деп ойлоп жатсаңыздар, анда алардын атамды өлтүрүүгө аракет кылган кылмышкердин алардан курал сатып алууга аракет кылганын бизге айтпаганы андан да жаман болду. Кызык, эмне үчүн?!" - деп жазган Бэррон Трамп.

Буга чейин маалымат каражаттары Трампка кол салууга аракет кылган деп айыпталган адам кармалганга бир ай калганда Украинадан гранатомёт сатып алууга аракет кылганын жазып чыгышкан.

Автор: Азат Бейшенбеков