Бишкек шаардык мэриясы балдар арасындагы кооптуу оюндар боюнча ата-энелерге кайрылды

Бишкек шаардык мэриясы ата-энелерге кооптуу оюндардын кесепеттери тууралуу балдарга түшүндүрүү иштерин жүргүзүүнү эскертти. Бул тууралуу борбор калаанын администрациясынын расмий билдирүүсүндө айтылат.

Мэрия акыркы убакта балдардын арасында кычкылтекти кечиктирүү же бири-бирин муунтуу сыяктуу кооптуу оюндар көбөйүп жатканын эскертти.

"Борбор калаадагы мектептердин администрациясы жана мугалимдери коркунучтар жана кесепеттер тууралуу түшүндүрүү иштерин жүргүзүүдө. Бирок ата-энелер башталгыч педагогдор болуп саналат. Бул жалпы билим берүү мекемелеринин аймагында да, андан тышкары жерлерде да балдардын жүрүм-турумуна кескин таасирин тийгизиши мүмкүн.

Балдарга мындай аракеттер өтө кооптуу жана кабыл алынгыс болушу мүмкүн экенин үйрөтүү керек. Алар ден соолук жана коопсуздук ар дайым биринчи орунда турушу керектигин түшүнүүлөрү маанилүү", - деп жазылат мэриянын билдирүүсүндө.

Ошондой эле мэрия ата-энелерди балдары менен коопсуз жана кызыктуу убакыт өткөрүүнүн башка жолдорун талкуулоону сунуштады.

"Диалогду ачык кармап, алардын кызыкчылыктарына көңүл буруңуздар", - деп билдиришти мэриядан.

Автор: Азат Бейшенбеков