ИИМ: Telegram мессенжеринде онлайн казино уюштурган канал аныкталды

Telegram мессенжеринде xCoin.KG бот каналы мыйзамсыз онлайн казино уюштурганы аныкталды. Бул тууралуу Ички иштер министрлиги билдирди.

Маалыматка ылайык, аталган бот канал онлайн казино ишин жүргүзүүгө лицензиясы жок 1-Xbet букмекери аркылуу банк карталар менен коюмдарды кабыл алып, акча каражаттарын мыйзамсыз жүгүртүп келген. Факты боюнча Кылмыш-жаза кодексинин 222-беренеси (Кылмыштуу жол менен алынган кирешелерди мыйзамдаштыруу) менен кылмыш иши козголгон.

ИИМ xCoin.KG бот каналынын 20 жаштагы ээси жана 20 жаштагы 2 оператору аныкталып, ээси шектүү катары кармалып, камакка алынганын белгиледи. Учурда буга тиешеси бар башка адамдарды аныктоо иштери жүрүүдө.