Индиядагы окуу жай кыргызстандыктар үчүн кабыл алуу жарыялады

Нью-Дели шаарындагы Индиянын Маданий байланыштар боюнча кеңеши (ICCR) тарабынан сунушталган AYUSH стипендиялык программасынын алкагында окуу үчүн документтерди кабыл алуу башталды. Бул тууралуу Билим берүү жана илим министрлиги маалымдады.

Стипендия төмөнкү багыттар боюнча окууга берилет:

Аюрведа, Юнани, Сиддха жана Гомеопатия боюнча бакалавриат (UG), магистратура (PG) жана PhD курстары;
Йога жана Йога Шастра боюнча бакалавриат;
Йога боюнча магистратура;
Йога жана Аюрведа боюнча PhD.

Кыргыз жарандары өтүнмөлөрүн онлайн түрүндө ICCRдин A2A стипендиялык порталы аркылуу 8-июнга чейин бере алышат.

Маалымат үчүн: Программа боюнча тандалып алынган талапкерлерге артка кайтуучу авиабилети жана окуу учурунда ай сайын стипендия берилет.

Автор: Айжанар Рыспек кызы
Фото: интернеттен алынды