Бишкекте мектептен чыккан эки окуучу дайынсыз жоголду

Бишкекте 12 жаштагы Сабыржан Акунов жана 13 жаштагы Бектурган Казымуханов дайынсыз болууда. Бул тууралуу Октябрь РИИБинен билдирди.

Маалыматка ылайык, кечээ, 28-апрелде милицияга өспүрүмдөр 27-апрель күнү саат 19:00дөр чамасында 12-кичи районундагы мектептен чыгып кеткен боюнча дайынсыз болуп жаткандыгы тууралуу кабарланган.

Белгилери:

Акунов Сабыржан: бою 136 сантиметр, салмагы 35 килограмм. Ал кызыл шорты, кызыл футболка, кара жеңи жок күрмө, бутуна кызыл гедры кийип жүргөн;
Бектурган Кажымуханов: бою 132 сантиметр, салмагы 32 килограмм. Ал кара түстөгү спорттук кийим кийип жүргөн.

Милиция аталган өспүрүмдөрдү көргөндөр болсо кабарлап коюуну өтүнөт. Байланыш номурлары: 0(312) 52-29-00, 0(312) 54-41-85, 0(507) 50-71-02, 0(706) 41-83-47.

Автор: Кылымбек Бейшеев
Фото: Октябрь РИИБ