МАИ кызматкерлеринен жол белгилери суралды (видео)

Жарандык активист Болот Ибрагимов социалдык тармактагы баракчасына жол кыймылын тескеген милиция кызматкерлеринин жол белгилери боюнча билимин текшерген видео жүктөдү.

Белгилей кетсек, президенттин басма сөз катчысы Аскат Алагөзов 1-сентябрдан тарта жол эрежесин бузгандар үчүн жаңы тартиптер кирерин билдирген. Анда токтотулган унаанын айдоочусунан жол эрежелери суралары, ал билбей калса ошол замат анын айдоочулук күбөлүгү алынып, кайра экзамен тапшырууга жөнөтүлөрү айтылган. Алагөзов мындай чара жол кырсыктарын алдын алуу үчүн керектигин белгилеген.