Бишкекте жаранды сүзүп, качып кеткен айдоочу изделүүдө (видео)

Бишкекте Хундай үлгүсүндөгү унаанын айдоочусу жаранды бычактап, андан соң унаасы менен сүзүп кетти. Бул тууралуу жабырлануучунун тууганымын деген жаран кабарлаганы социалдык тармакта жарыяланды.

Айтымында, окуя Чекиш-Ата районунда болгон.

Бүгүн, 14-майда Свердлов райондук милициясы аталган факт боюнча Кылмыш-жаза кодексинин 37-122-беренеси менен кылмыш иши козголгонун билдирди. Учурда окуяга тиешеси бар адамдарды кармоо боюнча тийиштүү чаралар көрүлүүдө. Аталган фактыны башкармалыктын жетекчилиги көзөмөлгө алганы айтылат.

Ал эми шаардык Кайгуул кызматы окуя боюнча тактоо иштери жүрүп жатканын билдирди.

Видео: штраф.кж