Мамлекеттик катчы Сүйүнбек Касмамбетов кызматтан кетерин билдирди

Мамлекеттик катчы Сүйүнбек Касмамбетов кызматтан кетерин социалдык тармактагы баракчасы аркылуу билдирди.

Ал кайрылуусунда 43 жыл мамлекеттик кызматта иштегенин белгилеген.

"Кадырман калайык калк! Мен ушул жылдын 8-апрелинде 65 жашка чыктым. 43 жыл мамлекеттик кызматта болдум. Мыйзамды туу тутуп, үлгү көрсөтүп орунду бошотуп жатам. Жаңы адамдар келсин!

Президент менен эриш-аркак өтө сый-урмат менен иштешкениме миң мертебе ыраазымын! Бүгүн президентке кайрылуу киргиздим. Ыраазычылыгын сурадым", - деп жазды ал.

Белгилей кетсек, Касмамбетов мамлекеттик катчы болуп 2021-жылы октябрь айында дайындалган.

Автор: Айжанар Рыспек кызы
Фото: интернеттен алынды