ХАМАСтын Газа тилкесиндеги лидеринин сөөгү туннелден табылды

Газа тилкесиндеги палестиналык ХАМАС кыймылынын башчысы Мухаммед Синвардын сөөгү анклавдын түштүк бөлүгүндөгү Хан-Юнис шаарынын астындагы туннелден табылды.

Al-Hadath телеканалы булактарына таянып маалымдагандай, аны менен бирге он жардамчысынын сөөгү табылган. Өлгөндөрдүн арасында кыймылдын командирлеринин бири, Хамастын Рафахтагы бригадасынын башчысы Мухаммед Шабан да бар.

Буга чейин Израилдин Кан мамлекеттик телеканалы 13-майда Синвардын өлтүрүлүшү үчүн Хан Юниске абадан сокку урулганын кабарлаган болчу.

Автор: Кылымбек Бейшеев
Фото: Иллюстрациялык сүрөт