Кыргыз-кытай чек арасындагы “Бедел” көзөмөл-өткөрүү пункту иштеп баштады

Бүгүн, 22-майда кыргыз-кытай чек арасындагы “Бедел” автомобилдик өткөрүү пункту иштеп баштады. Бул тууралуу Бажы кызматынан билдирди.

Маалымдалгандай, өткөрүү жеке жактар жана жеңил унаалар үчүн гана жеткиликтүү. Өткөрүү пунктунун иштөөсүн жандандыруу кыргыз-кытай кызматташтыгын бекемдөөгө жана өлкөнүн туристтик дараметин өнүктүрүүгө багытталган.

Айта кетсек, “Бедел” көзөмөл-өткөрүү пункту 2024-жылы сентябрда убактылуу инфраструктураны түзүү менен жөнөкөйлөтүлгөн тартипте ачылган. Ал эми 1-октябрдан тарта өтүү убактылуу токтотулган.

Автор: Замира Ниязбекова