Бишкекте бүтүрүүчүлөрдүн ЖРТсы ийгиликтүү аяктады

Бишкектин райондорунда бүтүрүүчүлөрдү жалпы республикалык тестирлөө ийгиликтүү аяктады. Бул тууралуу бүгүн, 27-майда мэрия кабарлады.

Маалыматка ылайык, борбордун Ленин району боюнча 36 мектептен 11-класстын 3312 окуучусу, Биринчи май району боюнча 25 мектептен 11-класстын 2389 окуучусу, Свердлов району боюнча 35 мектептен 2797 11-класстын окуучусу, Октябрь району боюнча 22 мектептен 11-класстын 1803 окуучусу катышты.

Тестирлөө билимди объективдүү баалоого жана жогорку окуу жайларына тапшырууга даярдоого багытталган бирдиктүү билим берүү стандартынын алкагында өткөрүлдү. Райондун бардык мектептеринде экзамендерди санитардык-техникалык талаптарга ылайык өткөрүү үчүн шарттар түзүлгөн.

Тестирлөөнүн натыйжалары райондун мындан аркы билим берүү саясатында маанилүү багыт болуп калат, ошондой эле Бишкек шаарынын мектептериндеги окуу процессинин күчтүү жана алсыз жактарын аныктоого жардам берет.