Чүй проспектисинде жаңы чырактар орнотулду

"Бишкек жарык" муниципалдык ишканасы Чүй проспектисинде Манас проспектисинен Бейшеналиева көчөсүнө чейинки тышкы жарыктандыруу системасын жаңылоону аяктады. Бул тууралуу бүгүн, 28-майда мэриянын басма сөз кызматы билдирди.

Маалымдалгандай, долбоордун алкагында 84 чоюн мамы орнотулуп, 3000 метр өзүн-өзү колдогон изоляцияланган зым (СИП) тартылды. "Питердик" таянычтар бышык жана дат баспаган чоюндан жасалган. Алар бышык гана болбостон, көчөлөргө жакшы эстетикалык көрүнүш берет.

Ошондой эле жаңы жарыктандыруу проспектке параллелдүү жайгашкан жөө жүргүнчүлөр аллеясына да орнотулду. Жарык чачкан заманбап чырактар орнотулуп, устундар коюлуп, эс алуу аймагы коопсуз болуп калды.

Буга чейин ушундай эле чоюн таянычтар Жусуп Абдрахманов көчөсүнөн Манас проспектисине чейинки тилкеге орнотулган.

Автор: Жазгүл Жаңыбаева
Фото: Бишкек мэриясы