Депутат Таштанбеков тааныштарынын куда тосуудагы окуясын айтып берди (видео)

Бүгүн, 28-майдагы Жогорку Кеңештин жыйынында депутат Акбөкөн Таштанбеков көлмөлөрдү каттоого алып баштоо керектигин айтты.

Жыйында "Мамлекеттик-жеке өнөктөштүк маселелери боюнча Кыргыз Республикасынын айрым мыйзам актыларына өзгөртүүлөрдү киргизүү жөнүндө" мыйзам долбоору биринчи окууда каралып жаткан. Талкуу учурунда эл өкүлү сөзүн тааныштарынын башынан өткөргөн окуясы менен баштады.

"Бир тааныштарым куда тосуу алдында кудабызга деп базардан бир чапан, тебетей алып келишсе, кудагыйы "ай, кудаңар жок, жесирмин, 10 жыл мурун каза болуп калган" дептир. Сиз деле азыр "инвестиция анан балык чарба" дейсиз. Жанагы көлдөрүңөрдү каттап койгулачы. Жок көлдөрүңөргө кайдагы инвестиция? Эмне эле алдап жатасыңар баарын?" - деди ал.