"Далдалчы болуп калдыңар..." Депутат Эрбаев Айыл чарба министрлигинин ишин сынга алды (видео)

Бүгүн, 2-июндагы Жогорку Кеңештин Агрардык саясат, суу ресурстары, экология жана регионалдык өнүктүрүү комитетинин жыйынында депутат Алишер Эрбаев Айыл чарба министрлигинин ишин сынга алды.

Анын айтымында, министрликтин азык-түлүк коопсуздугу боюнча жүргүзүп жаткан ишинде бирдиктүү саясат жок.

"Бүгүнкү күндө Айыл чарба министрлиги далдалчы болуп калдыңар. Сууну көтөрөсүңөр, жердин салыгын көтөрүп жатасыңар. Силер эмне Финансы министрлигисиңерби? Же Салык кызматы же Бажы органысыңарбы? Аягында өндүрүүчүлөр менен айыл чарба тармагы жабыркап жатат", - деди ал.