Бишкек-Нарын-Торугарт жолунда жол кырсыгы катталып, 22 жаштагы айдоочу каза болду

Бишкек-Нарын-Торугарт жолунда жол кырсыгы катталып, 22 жаштагы айдоочу каза болду. Бул тууралуу Чүй облустук ЖКККББнын басма сөз кызматы билдирди.

Маалыматка ылайык, 1-июнь күнү болжол менен саат 17:15 чамасында Шевроле Спарк унаасынын айдоочусу 2003-жылы туулган Т.у.Т. карама каршы тилкеде келе жаткан МАЗ оор жүк ташуучу унаасы менен сүзүшкөн.

Жол кырсыгынан жеңил унаанын айдоочусу Кемин районунун аймактык ооруканасынан көз жумган.
Ал эми анын жүргүнчүсү 1978-жылы туулган Ж.М.Б. Кемин районунун аймактык ооруканасына жаткырылган.

Автор: Жазгүл Жаңыбаева
Фото: Интернеттен алынды