Чүйдө 17 жаштагы кыз 9 күндөн бери дайынсыз болууда

17 жаштагы Гульмира Коновалова дайынсыз жоголуп, изделүүдө. Бул тууралуу Чүй облустук ички иштер башкы башкармалыгынан билдиришти.

Маалыматка ылайык, 4-июнда милицияга анын жакындары кайрылган. Гульмира Сокулук районунун Кожомкул айылынын Фрунзе 174 дарегинде жайгашкан үйүнөн 26-май күнү чыгып кеткен бойдон дайынсыз.

Бул факт Сокулук РИИБге катталып, тергөөгө чейинки текшерүү иштери жүрүп жатат.

Белгилери: бою 160-165 сантиметр, арыкчырай, чачы кара, көздөрү көк.
Кийген кийими: кызгылт көк түстөгү футболка, көк жинсы шым, ак кроссовка.

Эгер жогорудагы жарандын жүргөн жери тууралуу маалымат билгендер болсо төмөнкү номерлерге байланышса болот: 0312 607567, 03134 53380 (дежурный бөлүм) же 0558 861486.

Автор: Айсулуу Урустамова