"Бейиш эненин таманында" тасмасынын уландысы тартыла баштады (видео)

"Бейиш эненин таманында" тасмасынын уландысы тартылууда. Бул тууралуу аталган тасманын режиссёру Руслан Акун социалдык тармактагы баракчасында бөлүштү.

Белгилүү болгондой, тасманын уландысында да башкы ролду актёр Эмил Эсеналиев аткарат.

"Бейиш: Апама кат". 2026-жылы кинотеатрлардан көрүшкөнчө",- деп билдирүү калтырды Руслан Акун.

Эске салсак, "Бейиш эненин таманында" тасмасы 2024-жылдын февраль айында көрүүчүлөргө тартуулана баштаган. Тасма Казакстан, Орусия, Өзбекстан, Азербайжан жана башка өлкөлөрдө да көрсөтүлдү. Фильм Кыргызстанда, Өзбекстанда, Казакстанда, Түркияда, Египетте жана Сауд Арабиясында тартылган.