ИИМ: Эми соттолбогондугу тууралуу маалымкат кагаз түрүндө берилбейт

Ички иштер министрлиги жарандын соттолгону же соттолбогондугу тууралуу маалымкат кагаз түрүндө берилбей калганын кабарлады.

Маалыматка ылайык, 14-апрелден тарта Бишкек жана Ош шаарларында, 1-майдан тарта өлкөнүн бардык аймактарында Кыргызстандын аймагында адамдын соттолгон же соттолбогондугу тууралуу маалымкатты кагаз түрүндө берүү токтотулган. Маалымкатты алуу "Түндүк" мобилдик тиркемеси аркылуу электрондук түрдө гана жүргүзүлөт.

Соттолбогондугу тууралуу маалымкатты онлайн түрдө кантип алса болору төмөнкү видеодо кеңири айтылды.