MBANK Кыргызстандагы алгачкы ири экологиялык сыйлыктын жеңүүчүсү болду

MBANK колдонулган батарейкаларды чогултуу боюнча ири экологиялык челленжде биринчи орунду ээлеп, бул демилгеге катышкан ондогон компаниялардын арасынан лидер болуп чыкты.

Акциянын жыйынтыгында банк кызматкерлери эң көп колдонулган батарейкаларды чогултуп, MBANK Кыргызстандагы корпоративдик чөйрөдө эң жоопкерчиликтүү жана экологиялык жактан активдүү компания катары таанылды.

«Биздин команда үчүн экология — бул системалуу иш жана келечекке кошкон салым. Биз үчүн компаниянын ичиндеги аракеттер гана эмес, коомчулуктун да көңүлүн калдыктарды туура жана камкордук менен колдонууга буруу маанилүү. Экопремиядагы жеңиш биздин ишибизге жана туруктуу өнүгүүгө, айлана-чөйрөнү коргоого жана "жашыл" демилгелерди илгерилетүүгө болгон умтулуубузга чоң баа болуп саналат.
Сыйлыктын уюштуруучуларына, калыстар тобуна жана албетте, биздин командага ыраазычылык билдиребиз — алардын салымы, энергиясы жана дүйнөнү таза жана жакшы кылууга болгон ишеними бизди жеңишке жеткирди!», — деди MBANK'тын HR бөлүмүнүн директору Каира Огонбаева.

Бул экологиялык челленж — Кыргызстандагы таштандыларды жоопкерчилик менен утилизациялоону жайылтууга багытталган алгачкы масштабдуу долбоор болуп саналат.

Экопремиянын расмий ачылышы Бишкек шаарында мэриянын колдоосу менен өтүп, иш-чарага бизнес өкүлдөрү, мамлекеттик түзүмдөр, экологиялык уюмдар жана ЖМКлар катышты. Акцияга ар кыл тармактагы компаниялар — банктар, курулуш уюмдары, жогорку окуу жайлар жана башкалар кошулушту.