Францияда XVI кылымда чөгүп кеткен кеме табылды

Франциянын жээгинде, Жер Ортолук деңизинде XVI кылымда чөгүп кеткен кеме табылды. Бул тууралуу Franceinfo радиостанциясы билдирди.

Кеме Раматюэль жээгинен 2,5 чакырымды түзгөн рекорддук тереңдикте табылган. Анын узундугу 30 метр, туурасы 7 метр болгон. Кеменин ичинен керамикалык буюмдар, кумган, казан, коргонуу кийимдери табылган.

Кеменин сыныктарын француз аскер кызматкерлери март айында машыгуу учурунда кокустан таап алышкан. Бирок бул маалымат 12-июнда жарыяланды.

Болжол менен кеме Италиядан келе жаткан, бирок кайда бара жатканы белгисиз. Жакында казуу иштери башталып, изилдөөчүлөр кеменин чөккөн жагдайларын жана анын тарыхын да изилдешет.

Автор: Айсулуу Урустамова