Москва Кытайдын Борбордук Азия өлкөлөрү менен кызматташтыгына тынчсызданбайт

Кытайдын Борбордук Азия өлкөлөрү менен кызматташтыгынын бекемделиши Москвага тынчсыздануу жаратпайт. Бул тууралуу Орусия президентинин басма сөз катчысы Дмитрий Песков билдирди.

Ал журналисттердин Кытайдын лидери Си Цзиньпиндин Кытай-Борбордук Азия саммитине катышуу үчүн Казакстанга жасаган сапарына байланыштуу суроолоруна жооп берип жатып: "Бизде андай кооптонуулар жок, кооптонууга эч кандай негиз да жок",- деди Песков.

Орусия басылмалары Песков Пекин Москванын стратегиялык өнөктөшү, ал эми Борбордук Азия өлкөлөрү Орусиянын союздаштары жана өнөктөштөрү экенин белгилегенин жазышты.

Автор: Кылымбек Бейшеев
Фото: Интернеттен алынды