Израил Ирандын штаб башчысы жок кылынганын билдирди

Израилдин коргонуу армиясы Ирандын жаңы башкы штаб башчысы Али Шадмани өлтүрүлгөнүн жарыялады. Бул тууралуу чет элдик басылмалар жазышты

Генерал кечээ, 16-июнда Тегеранга жасалган соккуда каза тапкан.

Али Шадмани Ирандын лидери Али Хаманеиге жакын адамдардын бири болгону баса белгиленет. Иран бул маалыматты азырынча ырастай элек.

Мурдагы ирандык башкы штаб башчысы, генерал-майор Мохаммад Багери 13-июнга караган түнү жасалган алгачкы Израил соккуларында каза тапкан. Ошондой эле каза болгондордун катарында Ирандагы тасирдүү генералдардын бири Хоссейн Салами менен Ислам Азад университетинин президенти Мохаммад Тегеранчин да болгон.

Автор: Ширин Марат кызы