АКШ: Израил-Иран жаңжалындагы чечүүчү 48 саат

АКШ бийлиги Израил менен Ирандын ортосундагы жаңжалды чечүүдө алдыдагы 24-48 саат эң чечүүчү учур болорун билдирди. Бул тууралуу ABC телеканалы кабарлады.

Маалым болгондой, 17-июнда Ак үйдүн атайын кырдаалдар бөлмөсүндө президент Дональд Трамп өзүнүн негизги кеңешчилери менен чогулуш өткөргөн. Жыйында америкалык расмий адамдар алдыдагы 24-48 сааттын ичинде Иран маселесин дипломатиялык жол менен чечүүгө мүмкүнчүлүк бар-жогуна так болорун айтышкан.

Эгер бул мөөнөт ичинде Иран маселеси сүйлөшүү жолу менен чечилбесе, анда АКШ президенти аскердик чараларга өтүшү мүмкүн. Башкача айтканда, Американын куралдуу күчтөрү Израилди колдоо максатында түздөн-түз куралдуу кагылышка аралаша алат.

Буга чейин Трамп Тегерандан шартсыз багынууну (капитуляция) талап кыларын жарыялаган.

Автор: Жазгүл Жаңыбаева