Бычактаган... Адам өлтүрүүгө аракет кылган делип 32 жаштагы жаран кармалды (видео)

Бишкекте адам өлтүрүүгө аракет кылган деген шек менен 32 жаштагы жаран кармалды. Бул тууралуу Октябрь РИИБ билдирди.

Маалыматка ылайык, кечээ, 18-июнда 102 кызматына Бишкектин 7-кичи районундагы турак жайдын короолордун биринде адам бычакталганы тууралуу билдирүү түшкөн. Окуя болгон жерге барган милиция кызматкерлери жабырлануучу 42 жашта экенин аныкташкан.

Ага биринчи медициналык жардам көрсөтүлүп, бардык керектүү соттук-медициналык экспертизалар дайындалды.

Факт боюнча Кылмыш-жаза кодексинин 122-беренеси (Адам өлтүрүүгө аракет кылуу, өзгөчө мыкаачылык менен бейбаштык максатта) менен кылмыш иши козголду. Кармалган шектүү жаран убактылуу кармоочу жайга киргизилди.