Нетаньяху Израилдин Ирандагы операциясынын негизги максатын атады

Иран өкмөтүн кулатуу Израил үчүн негизги максат эмес, бирок бул аскердик операциянын натыйжасы болушу мүмкүн. Бул тууралуу Израилдин премьер-министри Биньямин Нетаньяху кечээ, 19-июнда билдирди.

"Негизги максат - Ирандын өзөктүк коркунучун жок кылуу. Экинчиден, баллистикалык ракета коркунучун жок кылуу",- деди ал Кан телеканалына берген маегинде.

Ал ошондой эле операция учурунда Тегеран режими туруксуздашарын кошумчалады.

Эске салсак, 13-июнга караган түнү Израил Ирандын өзөктүк программасына каршы аскердик операциясын баштаган. Бир суткага жетпеген убакыттан кийин Тегеран жооп чабуулун жасаган. Эки тараптуу чабуулдар дагы деле уланууда.

Автор: Кылымбек Бейшеев
Фото: Интернеттен алынды