"Ордуңар иштей тургандарга керек". Бишкектин мэри ишин жөндөй албаган кызматкерлерди иштен алды (видео)

Бишкек шаарынын мэри Айбек Жунушалиев муниципалдык ишканалардын башын бириктирген чоң жыйын өткөрдү. Анда шаар башчысынын буга чейинки шаарды кыдырып өткөргөн рейддеринин жыйынтыгы чыгарылды. Бул тууралуу бүгүн, 25-июнда мэрия билдирди.

Жунушалиев жыйындын алкагында берилген тапшырмалар аткарылбагандыгын айтып, бир топ жетекчилердин ишин сынга алды. Ошондой эле өз ишин жөндүү аткара албаган Октябрь районунун №8, Свердлов районунун №18,19, Новопавловка, Ленин районунун №3 муниципалдык аймактык башкармалыктарынын башчыларын жумуштан кетирди.

"Биздин ордубуз кимге керек болуп калды?" деп суроо бересиңер. Ордуңар иштей тургандарга керек. Доомат койгондон башка эмне иш кылып жатасыңар?",- деди мэр жыйында.

Жыйында эң негизги маселелер - таштанды, иретке келбеген короолор, саргайып кеткен бак-дарактар болду.