АКШда көлгө чагылган түшүп, 20 адам жабыркады

АКШнын Түштүк Каролина штатындагы көлгө чагылган түшүп, 20 адам жабыркады. Бул тууралуу чет элдик басылмалар жазышууда.

Маалым болгондой, 20 адамдын ичинде 12 өспүрүм бар. Чагылган кечээ, 24-июнда бороон учурунда болгон.

«Түштүк Каролинадагы көлдө чагылган түшүп, 20 адам жабыркады. Өзгөчө кырдаал кызматынын маалыматына караганда, 8 адам жана 12 өспүрүм токко урунган», — деп айтылат маалыматта.

Округ бийлигинин билдиришинче, жабыркагандардын ичинен 12 адам жергиликтүү ооруканага жеткирилген, учурда алардын өмүрүнө коркунуч жок.

Автор: Ширин Марат кызы