Дүйнөнүн символикалык курама командасына “Барселонадан” 4 оюнчу кирди

Кечээ, 13-январда өткөн ФИФАнын сыйлык тапшыруу аземинин алкагында 2013-жылдын символикалык курамы аныкталды. Бул тууралуу ФИФАнын расмий сайты билдирет.

Маалыматка ылайык, символикалык курамга кирген 11 футболчунун 4ү “Барселонанын”, үчөө “Бавариянын” оюнчулары. Андан тышкары мадриддик “Реал” менен франциялык ПСЖнын экиден оюнчулары буз тизмеге кошулушту.

Курам төмөнкүчө:

Дарбазачы: Мануэль Нойер (Германия курама командасынын жана мюнхендик “Бавариянын” дарбазачысы).

Коргоочулар: Филипп Лам (Германия, “Бавария”), Дани Алвес (Бразилия, “Барселона”), Серхио Рамос (Испания, “Реал”), Тиаго Силва (Бразилия, ПСЖ).

Жарым коргоочулар: Андрес Иньеста, Хави (Испания, “Барселона”), Франк Рибери (Франция, “Бавария”).

Чабуулчулар: Лионель Месси (Аргентина, “Барселона”), Криштиану Роналду (Португалия, “Реал”), Златан Ибрагимович (Швеция, ПСЖ).