Камчыбек Ташиев Чаткал райондук төрөт үйүн оңдоп-түзөөдөн өткөрүү тапшырмасын берди

Камчыбек Ташиев Чаткал райондук төрөт үйүнө барды. Бул тууралуу бүгүн, 29-июнда Улуттук коопсуздук мамлекеттик комитетинен билдиришти.

Ташиев имараттын шарттарын жана медициналык каражаттарга байланыштуу жагдайды өз көзү менен көрүп чыгып, Чаткалдагы райондук төрөт үйүн толугу менен оңдоп-түзөөдөн өткөрүү тапшырмасын берди.

Атайын кызматтын төрагасы район эли менен жолугуп, кубанычтуу кабар менен бөлүштү. Мындагы көп балалуу энелер эки миллионго чейин сүйүнчү пул ала алышат. Себеби Чаткал 1800 метрден бийик болуп саналат. Бул аймак тоолуу район болгондуктан, ар бир үй-бүлө атайын программага катышууга мүмкүнчүлүк алышат.

Автор: Ширин Марат кызы