Мамлекеттик кызматтагы жетекчилер эс албай иштеши керекпи?

УКМКнын башчысы Камчыбек Ташиев Чаткал районуна болгон иш сапарынын алкагында өлкөдөгү бардык мамлекеттик кызматтардын жетекчилерине кайрылып, эскертүү берди.

Анын айтымында, элдин жүгүн алган жооптуу адамдар эс алууну билбей иштеши керек.

“Ишемби, жекшемби деген нерсе болбош керек бизде. Айрыкча мамлекеттик органдардын жетекчилери, бирөөңөр эмгек өргүүгө чыгып, тоодо, Ысык-Көлдө же чет өлкөдө ойноп жүргөнүңөрдү көрбөйүн. Мен аны тез эле билип алам. Билинип калса, анда дароо жумуштан кетесиңер жана жоопкерчиликке тартыласыңар”,- деди Ташиев.

Мындан сырткары ал мамлекеттик кызматкерлерди президент Садыр Жапаровдон үлгү алып иштөөгө чакырды.

Ал өлкө башчынын акыркы мамлекеттик сапарларын мисал кылды.

"Президентибиз күнү-түнү тынбайт. Мына акыркы 3-4 күн учакта уктады. Түнкү саат 1:30да Малайзиядан учуп келди да, аэропорттон учактан чыкпай туруп кайра Минскке учуп кетти. Ошондуктан жергиликтүү бийлик органдары, бардык мамлекеттик аткаминерлер ушундай иштешиңер керек", - деди Ташиев.

СИЗДИН ОЮҢУЗ

Чын эле мамлекеттик кызматтагы жетекчилер эс албай иштеши керекпи?

Ооба, элдин жүгүн аркалагандан кийин иштеши керек

0% (0)

Жок, алар дагы эс алууга укуктуу

100% (2)

Мага баары бир

0% (0)

Добуш берүү үчүн өз ысымыңыз менен кириңиз же каттоодон өтүңүз.

Автор: Максуда Кудайбердиева