Бишкектеги Республикалык стоматологиянын менчиктештирилип кеткен имараты мамлекетке кайтарылды

Бишкек шаарынын Панфилов көчөсү №173 дарегинде жайгашкан Саламаттык сактоо министрлигине караштуу Республикалык стоматологиялык клиниканын имараты мамлекетке кайтарылды. Бул тууралуу бүгүн, 2-июлда УКМК кабарлады.

Маалым болгондой, аталган имарат 1999-жылы кызмат адамдардын мыйзамсыз аракеттеринин натыйжасында белгиленген тартипти бузуу менен жеке менчикке өтүп кеткен.

"Менчиктештирүү жол-жобосу ачык конкурстарды өткөрүү талаптарын сактабастан, кызмат абалынан кыянаттык менен пайдалануу жана кызыкдар тараптардын алдын ала сүйлөшүп алуу белгилери менен жүргүзүлгөндүгү такталган",- деп айтылат маалыматта.

Жалпы аянты 1510 чарчы метр болгон имаратты, ошондой эле андагы мүлктү менчик ээси ыктыярдуу түрдө мамлекеттин менчигине өткөрүп берди.

Автор: Замира Ниязбекова