"Манас" эл аралык аэропортун оңдоп-түзөө иштери жүрүүдө (видео)

Бүгүнкү күндө "Манас" эл аралык аэропортунун терминалынын аянтын кошумча 18 000 чарчы метрге кеңейтүү боюнча курулуш иштери башталды. Бул тууралуу аталган аэрпорттун жетекчиси Манасбек Самидинов билдирди.

Айтымында, заманбап, технологиялык жактан бардык талаптарга жооп берген жаңы терминал жүргүнчүлөр жана авиакомпаниялар үчүн бир кыйла ыңгайлуу болот.

"Жаңы комплекс эң акыркы техникалар менен жабдылат: кенен күтүү залдары, кеңейтилген каттоо зонасы, жакшыртылган коопсуздук системи, ыңгайлуу эс алуу зоналары, ошондой эле эл аралык жана ички каттамдар үчүн заманбап инфраструктура",- деп жазды ал.