Мэр Жеңишбек Токторбаев үч эм балдарга батир белек кылды

Ош шаарынын мэри Жеңишбек Токторбаев үч эм балдарга батир белек кылды. Бул тууралуу бүгүн, 15-июлда шаардык мэриянын маалымат борбору билдирди.

Ага ылайык, буга чейин Эдельвейс дачасынын жолуна асфальт төшөлүп, пайдаланууга берүү учурунда жети балалуу баатыр эне Элмира Сулайманкулова шаар мэрине жолугуп, эки жолу эгиз балалуу, андан кийин үч эмдүү болгонун айткан.

Калаа башчысы эл алдында үч эмге шаардан батир белеке берүүнү убадалап, бүгүн үч эмди жана эгиз балдарды, алардын ата-энесин кабыл алып, үч бөлмөлүү батирдин сертификатын тапшырды.

Автор: Айжанар Рыспек кызы
Фото: Ош мэриясы