Кыргыз-Орусия "Славян" университетиндеги 12 студент окуудан чыгарылды

Улуттук коопсуздук мамлекеттик комитети Кыргыз-Орусия "Славян" университетиндеги 12 студент окуудан чыгарылганын кабарлады.

Атайын кызмат аталган окуу жайда студенттерди бюджеттик окууга мыйзамсыз кабыл алуу аныкталганын белгиледи. Тагыраагы, университетке 2024-2025-окуу жылына кабыл алуу учурунда айрым студенттер сертификаты жок, ЖРТнын төмөнкү босого упайлары менен кабыл алынган.

Факт боюнча Кылмыш-жаза кодексинин 245-беренесинин 1-бөлүгү (Коммерциялык же башка уюмдардын кызматкерлери тарабынан кызмат абалынан кыянаттык менен пайдалануусу) менен кылмыш иши козголгон.

УКМК учурда аталган мыйзамсыз ишке тиешеси бар башка адамдарды аныктоо иштери жүрүп жатканын кошумчалады.

Автор: Кылымбек Бейшеев
Фото: Интернеттен алынды