Бүгүн, 28-июлга караган түнү Израилдин Газага жасаган аба соккуларынан кеминде 25 адам каза болуп, ондогон киши жарадар болду. Бул тууралуу чет элдик басылмалар жазышууда.
Сектордун түштүгүндөгү Хан-Юнис шаары эң күчтүү бомбалоолорго жана артиллериялык аткылоого дуушар болуп, Палестина жарым эксклавынын борбордук бөлүгүндөгү Дейр эль-Балахтагы турак жайларына жана Эль-Магази лагерине да сокку урулган. Курман болгондор Хан-Юнистеги талкаланган имараттардын урандылары астында калууда.
Газа секторунун Саламаттыкты сактоо министрлигинин маалыматына караганда, Израилдин Газага 18-мартан берки кайрадан сокку уруусунун натыйжасында 8 600дөн ашуун адам набыт болуп, дээрлик 33 миңи жарадар болду.