Баткендин чиновниктерине жемкорлук боюнча кылмыш иши козголду

Баткенде жайыт жерлерди жеке менчикке берип жиберген чиновниктер аныкталды. Бул тууралуу бүгүн, 28-июлда Башкы прокуратура билдирди.

Маалым болгондой, Баткен шаардык мэриясынын, Шаар курулуш жана архитектура башкармалыгынын жана “Кадастр” мамлекеттик мекемесинин кызмат адамдары баюу максатында Чет-Булак кварталындагы 4,8 гектар жайыт жерлерди З4 жаранга жеке менчикке берип жиберген.

Аталган факт боюнча Кылмыш-жаза кодексинин 336-беренеси (“Коррупция) менен кылмыш иши козголуп, тергөө амалдары жүргүзүлүүдө.

Автор: Замира Ниязбекова