Бокс боюнча дүйнөнүн мурдагы чемпиону Дуайт Мохаммед Кави дүйнөдөн кайтты

Эки салмактык категориядагы дүйнөнүн мурдагы чемпиону, Эл аралык бокс залынын атактуу мушкери Дуайт Мохаммед Кави 25-июлда 72 жашында каза болду. Анын эжеси америкалык мушкер беш жыл бою акыл-эс оорусунан жабыркап жүргөнүн билдиргенин чет элдик басылмалар жазышууда.

Дуайт Брекстон 1953-жылы 5-январда Балтимордо төрөлүп, куралдуу талап-тоноо менен айыпталып абакка түшкөн. Ошол кезден баштап бокс менен машыгып, түрмөдөн чыгып, 1978-жылы кесипкөй мушкер болгон.

Кави профессионалдык рингде 53 жолу мушташып, 41-11-1 рекорду менен 1998-жылы спорттон кеткен. 2004-жылы уруксат берилип, бокс боюнча Эл аралык залына киргизилген.

Боксчулук карьерасын аяктагандан кийин Кави машыктыруучу болуп иштеп, жашы жете электердин укугун коргоп, адамдарга алкогол жана баңгизат менен күрөшүүгө жардам берген.

Автор: Замира Ниязбекова