Израилдин премьер-министри Биньямин Нетаньяху Газа тилкесинин бир бөлүгүн аннексиялоо планын аскердик-саясий кабинетке сунуштады.
Haaretz гезити израилдик жогорку даражалуу аткаминерге таянып кабарлагандай, Израил элдешүү келишимине макул болушу үчүн ХАМАСка бир нече күн убакыт берген. Эгер жооп болбосо, тилкедеги аймактарды этап-этабы менен аннексиялай баштайт.
Haaretz булагы бул демилге АКШнын президенти Дональд Трамптын администрациясынын жактыруусуна ээ болгонун ырастаган.