Шекер айылында мөндүр айрым эгин талааларын талкалап кетти (видео)

Талас облусунун Айтматов районунун Шекер айыл аймагына катуу мөндүр жаап, дыйкандардын төө буурчактарын талкалап кетти. Бул тууралуу бүгүн, 30-июлда облус жетекчиси Эрмат Жумаев билдирди.

Жумаев дыйкандарга кайрылып, мамлекет жардам бере тургандыгын билдирди.

"Өзүм окуя болгон жерге барып жеринен дыйкандар менен жолуктум. Азыркы учурда комиссия түзүлүп, дыйкандардын чыгымын эсептөө иштери жүргүзүлүп жатат. Аталган өкүнүчтүү маселе боюнча өкмөткө жана Суу ресурстары, айыл чарба жана кайра иштетүү өнөр жайы министрлигине толук маалымат берилип, элге жардам берүү маселеси толук каралат",- деди Жумаев.