Орусияда ымыркай ата-энесинин адаттан тыш аракетинен улам ооруканага түштү

Орусиянын Санкт-Петербург шаарында жаңы төрөлгөн ымыркай ата-энесинин адаттан тыш аракеттеринен улам ооруканага жаткырылды. Бул тууралуу Mash басылмасы билдирди.

Маалыматка ылайык, ата-эне интернеттен "баланын киндигин тиштеп алсаң, ал оорубай чоңоёт" дегенди окуп алышып, ымыркай төрөлгөндөн кийин атасы бул аракетти жасаган.

Наристенин киндигинен кан агып, ата-эне "Тез жардам" чакырууга аргасыз болушкан. Дарыгерлер бардык керектүү жардамдарды көрсөтүшүп, баланын өмүрүн сактап калышкан. Учурда баланын абалы жакшы болуп калганы айтылат.

Автор: Айсулуу Урустамова
Фото: Интернеттен алынды