Анапияевдердин мурда ээлик кылып жүргөн мүлктөрү мамлекетке кайтарылды (фото, видео)

Ош облусунун Чоң-Алай районундагы жалпы аянты 12,68 гектар жер тилкелерин менчиктештирүүдө жана мыйзамсыз түрдө жеке менчикке өткөрүүдө мыйзам бузуулар аныкталды. Бул тууралуу бүгүн, 4-августта Улуттук коопсуздук мамлекеттик комитетинен билдиришти.

Тергөөгө чейинки иш-чаралардын жүрүшүндө, уюшкан кылымыштуу топтун лидери Алмамбет Анапияевдин туугандарынын мыйзамсыз ээлеп жүргөн мүлктөрү, тагыраагы, Ош облусунун Чоң-Алай районунун Дароот-Коргон айылындагы жалпы аянты 0,7 гектар жер тилкеси, 749,65 чарчы метр административдик имарат жана 0,14 гектар май куюучу жай дүкөнү, ошондой эле Бурган-Суу айылындагы аянты 11,84 гектар түзгөн жер тилкеси мамлекетке кайтарылды.

УКМК мыйзамсыз менчиктештирилген жер тилкелерин, ишканаларды жана мекемелерди аныктоо жана мамлекеттик баланска кайтаруу боюнча иштер улланып жатканын кошумчалады.