Путин Трамп менен кездешүү кайсы жерде өтүшү мүмкүн экенин кыйытты

Орусиянын президенти Владимир Путин АКШнын президенти Дональд Трамп менен болчу жолугушуу тууралуу суроого жооп берди. Бул тууралуу чет элдик басылмалар жазышууда.

"Бизде ушундай иш-чараларды уюштурууга жардам берүүгө даяр көптөгөн достор бар. Алардын бири — Бириккен Араб Эмираттарынын президенти. Оюмча, биз чечим кабыл алабыз, бирок бул жолугушуу үчүн ылайыктуу, толук кандуу жер болмок", — деди Путин.

Ошондой эле ал бул жолугушууга эки тарап тең кызыкдар экенин белгиледи.

Айта кетсек, 6-августта Путин менен АКШ президентинин атайын өкүлү Стив Уиткофф жолуккан. Жолугушуу үч саатка жакын созулган. Уиткофф Москвага Трамптын ультиматумунун мөөнөтү аяктаардан бир нече күн мурда келген.

Автор: Замира Ниязбекова