"Укугубуз бар". Оштун мэри Сулайман-Тоодон президент менен УКМКнын башчысына кайрылуу кылды (видео)

Ош шаарынын мэри Жеңишбек Токторбаев өлкө башчысы Садыр Жапаров менен УКМКнын төрагасы Камчыбек Ташиевге Сулайман-Тоо боюнча кайрылуу жасады. Видеокайрылууну калаа башкармалыгы жарыялады.

Ал Сулайман-Тоонун этегиндеги көрүстөн турган аймакты мэриянын балансына өткөрүү керектигин белгиледи.

"Сулайман-Тоонун жогору тарабы Маданият министрлигинде эле кала берсин, буга эч кандай доомат кылбайбыз. Биз ушул көрүстөндөр турган жерди мэрияга өткөрүп алсак дейбиз. Биз урматуу президентибиз менен УКМКнын башчысынан суранат элек. Коноктор келсе мүрзөнү көрсөтөбүзбү? Биз оштуктар муну талашканга укугубуз бар",- деди ал.