Ирандын биринчи вице-президенти Ысык-Көлгө келди (фото)

Бүгүн, 14-августта Ирандын биринчи вице-президенти Мохаммад Реза Ареф Евразия өкмөттөр аралык кеңешинин кезектеги жыйынына байкоочу катары катышуу үчүн Кыргызстанга келди. Бул тууралуу президенттин администрациясынан билдиришти.

Ирандын биринчи вице-президенти Мохаммад Реза Арефти “Ысык-Көл” эл аралык аэропортунан Министрлер кабинетинин төрагасынын орун басары Бакыт Төрөбаев тосуп алды.

Белгилей кетсек, Евразия экономикалык биримдигине мүчө мамлекеттердин премьер-министрлеринин жана Биримдикке байкоочу мамлекеттердин делегация башчыларынын катышуусунда үстүбүздөгү жылдын 14-15-август күндөрү Ысык-Көл облусунун Чолпон-Ата шаарында Евразия өкмөттөр аралык кеңешинин кезектеги жыйыны өткөрүлөт.

Автор: Ширин Марат кызы
Фото: Министрлер кабинетинин маалымат кызматы