Суусамырдагы жолду бүтүрүү үчүн эки асфальт заводу салынды (видео)

Кечээ, 17-августта транспорт жана коммуникациялар министри Абсаттар Сыргабаев Бишкек-Ош автожолунун Суусамыр тилкесинде жүрүп жаткан жол оңдоо иштеринен кабар алды.

Курулуш иштери башталгандан бери 18 чакырым эки тараптуу асфальт басылды. Бул тууралуу Транспорт жана коммуникациялар министрлигинин маалымат кызматы билдирди.

"Учурда асфальт төшөө, кээ бир тилкелерде жолдун негизин даярдоо, суу түтүктөрүн орнотуу иштери уланууда. Суусамыр ɵрɵɵнүндɵ суук эрте түшɵрүн эске алуу менен жол тилкесинен алыс эмес жерге эки асфальт-бетон заводу орнотулган. Учурда заводдордон саатына 200-300 тонна кɵлɵмүндɵ асфальт чыгарылып жатат",- деп белгиленген маалыматта.