Жалал-Абадда Эгемендүүлүк күнүнө карата даярдыктар жүрүүдө (видео)

Быйыл Эгемендүүлүк күнү Жалал-Абадда белгиленет. Учурда майрамга карата даярдыктар кызуу жүрүүдө. Шаарда айланма жолдорго блокпосттор коюлуп, коопсуздук чаралары күчөтүлүүдө.

Буга чейин Жалал-Абад шаарынын эски аянтында күндүзгү концерттик программалар уюштурула турганы айтылган. Ошондой эле 30-31-август күндөрү Жалал-Абад облустук Барпы Алыкулов атындагы кыргыз драма театрында төкмө акындардын эл аралык айтышы болот.

Мындан тышкары, президенттин Жалал-Абад облусундагы өкүлчүлүгүнүн жаңы имаратынын ачылышына карата мамлекет башчысынын жана өкмөт мүчөлөрүнүн катышуусунда кечки чоң концерттик программа өтөт.