Кыргызстандык калыс Бахадыр Кочкаров 2014-жылы Бразилияда өтүүчү Дүйнө чемпиондугунда калыстык кылат

ЮАР-2010го Аргентина курама командасын баштап барган башкы машыктыруучу Диего Марадона оюндан кийин калыстардын ишин баалап, ыраазычылыгын айтып жатат.

Юар-2010. Жарым финал. Уругвай-Голландия курама командаларынын оюнунун алдында кийим которуучу жайда тартылган сүрөт.

Юар-2010. Жарым финал. Уругвай-Голландия курама командалары айыгышкан беттеш өткөрүп жаткан маал. Калыстар ажыратууга өтүшкөн.

ЮАР-2010. Стивен Жеррард баштаган Англия курама командасынын кезектеги оюнунун алдында...

ЮАР-2010. Алжир-Англия курама командаларынын оюнунда Уэйн Руни калыстар менен такташып жатат.

Кыргызстандык футбол калысы Бахадыр Кочкаров 2014-жылы Бразилияда өтүүчү футбол боюнча Дүйнө чемпиондугун тейлей турган калыстардын тизмесине кирди. Бул тууралуу ФИФАнын расмий сайты билдирет.

Маалыматка ылайык, калыстар тобунун тизмеси 13-январда ФИФАнын калыстарынын Цюрихтеги жыйынында бекитилген. Тизмеге 25 калыстын бригадасы кирип, анын ичинде 43 өлкөдөн 8 жардамчы калыстардын жуптугу да катталган. Алардын ичинен өзбекстандык калыс Равшан Ирматовдун бригадасында кызмат кылып келген Бахадыр Кочкаров да тизмеге кирди. Ал 2010-жылы ЮАРда өткөн мундиалда да калыстык милдетти аткарган.

Эске салсак, Дүйнө чемпиондугу 13-июнда старт алат. Мелдеш алкагында жалпысынан 64 оюн өтөт.

Автор: Максат Кудайбердиев