Президент ипотекалык батирлерди баштапкы төлөмсүз берүү мерчемделип жатканын айтты (видео)

Өлкө башчысы Садыр Жапаров ипотекалык батирлерди баштапкы төлөмсүз берүү мерчемделип жатканын айтты. Бул тууралуу ал Мамлекеттик ипотекалык компаниянын 10 жылдыгына арналган иш-чарада билдирди.

"Көп балалуу үй-бүлөлөргө, майыптыгы бар жарандарга жана жаш адистерге социалдык ипотеканы жылдык 4 пайыз менен жана баштапкы төлөмсүз берүү мерчемделүүдө. Мындай жеңилдик мамлекеттик кызматкерлерге жана социалдык тармактагы кызматкерлерге да каралат.

Ошондой эле жарандар үчүн жеткиликтүү ипотеканы жылдык 8 пайыз менен баштапкы төлөмсүз берүүнү максат кылып жатабыз ", - деди президент.