Бишкекте мушташка катыштыгы бар 3 жаран кармалды (видео)

Кечээ, 8-сентябрда саат 04:00 чамасында Бишкек шаарындагы Дэн Сяопин менен Интергельпо көчөлөрүнүн кесилишинде мушташ катталды. Бул тууралуу Ленин РИИБинин басма сөз кызматы билдирди.

Маалым болгондой, окуя болгон жерге ыкчам-тергөө тобу жөнөтүлүп, милиция кызматкерлери мушташка катыштыгы бар 1998-жылкы туулган Ж.Ж., Ж.Б. жана С.Б. аттуу жарандарды кармашты.

Жабырлануучу 2002-жылы туулган Р.А. аттуу жаран медициналык мекемеге жеткирилди. Ал арыз жазуудан баш тарткан.

Кармалгандарга Укук бузуулар кодексинин 126-беренеси (Майда бейбаштык) боюнча протоколдор түзүлүп, убактылуу кармоо жайына киргизилди.