Кара-Сууда башкаларга 4 миллион сомго жакын насыя алдырып төлөбөй жүргөн эки аял кармалды

Ош облусунун Кара-Суу районунда документтердин жасалмасын жасоо аркылуу башкаларга насыя алдыртып, төлөбөй жүргөн эки жаран кармалды. Бул тууралуу бүгүн, 9-сентябрда ИИМдин басма сөз кызматы билдирди.

Маалымдалгандай, милицияга июлда 11 жергиликтүү тургун арыз менен кайрылды. Анын алкагында Х.Т. аттуу жаран 2024-жылдын декабрь айынан баштап, 2025-жылдын июнь айына чейин Кара-Суудагы сактык кассаларынан жабырлануучуларга 500 миң сомго чейинки насыя алдыртып, төлөбөй койгондугу аныкталды. Шектүү катары жогорудагы жаран менен сактык кассасынын кредит бөлүмүнүн мурдагы адиси Б.Г. кармалды. Экөө биригип жалпы 4 миллион сомдон ашык насыя кредиттерин алышып, анын көбүн өздөрүнүн пайдасына коротушканы аныкталды.

Бул факт боюнча Кылмыш-жаза кодексинин 379-беренесинин 2-бөлүмү (Документтердин жасалмасын жасоо) менен кылмыш иши козголуп, кармалган 2 аял тил кат менен үй камагына чыгарылды. Тергөө иштери жүрүүдө.

Автор: Замира Ниязбекова